Սխալ են ասում, երբ ասում են հողը արյունով են պահում. հողը սիրելով են պահում․ Լեոնիդ Ազգալդյանի խոսքերը

Սխալ են ասում, երբ ասում են հողը արյունով են պահում. հողը սիրելով են պահում։

Երբ երիտասարդ տղաներ են գալիս ու ասում, որ եկել են Արցախի համար զոհվելու, ես նրանց չեմ ընդունում, մեզ պետք են Արցախի համար կռվողներ ու հաղթողներ… Այս տարածքները, որ մենք ազատագրում ենք էլ ավելի մեծ նշանակություն ունեն, քան մենք պատկերացնում ենք, կամ կարող ենք պատկերացնել, ցանկացած ազգ, որ հող կհանձնի` դատապարտված է կործանման։

Սա Հայաստան է և վերջ . Ո′չ ոք չի կարող ասել, որ սա Հայաստան չէ, ո′չ ոք իրավունք չունի սա վաճառքի դնել, փոխանակման դնել, հանձնման դնել: Ոչ մի գաղափարով չի կարելի արդարացնել Շահումյանի Գետաշենի Արցախի հանձնումը, ինչպես նաեւ մնացած հայոց հողերը…:

Եթե ձեզ ասեն` ես զոհվել եմ, մի հավատացեք. ես Ստամբուլի մոտ եմ ընկնելու:

Մի բուռ հող է վերցրել ու ասել՝ Ահա իմ գույնը

Հույսներս միայն մեզ վրա պետք է դնենք, ոչ մի դաշնակից մեզ օգնել չի կարող, եթե ինքներս չկարողանանք և չուզենք պաշտպանել մեզ։ Յուրաքանչյուր կանոնավոր ու հզոր բանակ, առանց ժողովրդի կամքի և ուժի, ոչինչ է։

Շատ քրտինք, քիչ արյուն։

Որոշվում է ազգի ճակատագիրը: Գետաշենը, Շահումյանը, Արցախը, Զանգեզուրը մեր հայրենիքի բաց դռներն են, և հետևաբար նույնիսկ մեկ թիզ հողի կորուստ չի կարելի թույլ տալ։

Երբեք ոչ մեկի ճախրանքը չընդհատեք։