Ալեն Սիմոնյանը մեծ կազմով մեկնում է Լյուքսեմբուրգ

ԱԺ նախագահ Ալեն Սիմոնյանը կարգադրություն է ստորագրել․

«Ղեկավարվելով «Հայաստանի Հանրապետության Ազգային ժողովի պատգամավորի գործունեության երաշխիքների մասին» օրենքի 5-րդ հոդվածի 5-րդ մասով եւ Հայաստանի Հանրապետության աշխատանքային օրենսգրքի 209-րդ հոդվածով՝ կարգադրում եմ.

1. Պաշտոնական այցով 2025 թվականի փետրվարի 3-5-ը Լյուքսեմբուրգ (Լյուքսեմբուրգի Մեծ Դքսություն) գործուղել Ազգային ժողովի նախագահի գլխավորած պատվիրակությունը՝ հետեւյալ կազմով.
 

Ալեն ՍԻՄՈՆՅԱՆ

Ազգային ժողովի նախագահ

Արման ԵՂՈՅԱՆ

Ազգային ժողովի եվրոպական ինտեգրման հարցերի մշտական հանձնաժողովի նախագահ, Հայաստան-Լյուքսեմբուրգ բարեկամական խմբի անդամ

Հասմիկ ՀԱԿՈԲՅԱՆ

Ազգային ժողովի պատգամավոր

Աշխեն ՀԱՅՐԱՊԵՏՅԱՆ

Ազգային ժողովի նախագահի խորհրդական

Տիգրան ՍԵՅՐԱՆՅԱՆ

Ազգային ժողովի աշխատակազմի արտաքին կապերի վարչության պետ

Ալեքսանդր ՄԽԻԹԱՐՅԱՆ

Ազգային ժողովի աշխատակազմի արարողակարգի վարչության պետ

Մովսես ՀԱՐՈՒԹՅՈՒՆՅԱՆ

Ազգային ժողովի նախագահի մամուլի քարտուղար

Արման ՄԿՐՏՉՅԱՆ

Ազգային ժողովի աշխատակազմի արարողակարգի վարչության այցերի եւ ընդունելությունների կազմակերպման բաժնի գլխավոր մասնագետ (հունվարի 30-ից փետրվարի 5-ը)

Ժաննա ՀԱՐՈՒԹՅՈՒՆՅԱՆ

Ազգային ժողովի աշխատակազմի  արտաքին կապերի վարչության միջազգային կազմակերպությունների բաժնի առաջատար մասնագետ

Դավիթ ՀԱԿՈԲՅԱՆ

Ազգային ժողովի աշխատակազմի հասարակայնության հետ կապերի եւ հաղորդակցության վարչության լրատվության արտադրության  բաժնի    լուսանկարիչ  - օպերատոր

Հրայր ՔԱԼԱՇՅԱՆ

Ազգային ժողովի աշխատակազմի հասարակայնության հետ կապերի եւ հաղորդակցության վարչության լրատվության արտադրության բաժնի հեռուստաօպերատոր:

2. Ազգային ժողովի աշխատակազմի ղեկավար-գլխավոր քարտուղար Դ. ԱՌԱՔԵԼՅԱՆԻՆ՝ գործուղման հետ կապված ճանապարհածախսի (Երեւան-Լյուքսեմբուրգ), ներկայացուցչական ծախսերի, օրապահիկի եւ գիշերավարձի (Ա. Մխիթարյան, Մ. Հարությունյան, Ժ. Հարությունյան, Ա. Մկրտչյան, Դ. Հակոբյան, Հ. Քալաշյան)՝   ըստ փաստացի  կատարած ծախսերը հավաստող փաստաթղթերի վճարումը կատարել Հայաստանի Հանրապետության 2025 թվականի պետական բյուջեով Ազգային ժողովին այդ նպատակի համար հատկացված միջոցների հաշվին՝ հաշվի առնելով Ազգային ժողովի նախագահի 2024 թվականի դեկտեմբերի 23-ի «Ազգային ժողովի պատգամավորների եւ Ազգային ժողովի աշխատակազմի աշխատողների՝ օտարերկրյա պետություններ գործուղումների կազմակերպման եւ գործուղման ծախսերի հատուցման կարգը հաստատելու մասին եւ Ազգային ժողովի նախագահի 2018 թվականի մայիսի 1-ի Կ-127-Ա կարգադրությունն ուժը կորցրած ճանաչելու մասին» Կ-364-Ա կարգադրության պահանջները:

3. Ընդունել ի գիտություն, որ գործուղման հետ կապված գիշերավարձի (5 անձի) վճարումը կատարում է հրավիրող կողմը»: