Նրանց, ովքեր մոռանում են Հայոց ցեղասպանությունը, հայ չեմ համարում․ Տիգրան Ասատրյան (տեսանյութ)

Ամերիկաբնակ հայ երգիչ Տիգրան Ասատրյանն Ինստագրամի իր էջում տեսաուղերձ է հրապարակել՝ արձագանքելով վարչապետ Նիկոլ Փաշինյանի՝ Հայոց ցեղասպանության վերաբերյալ հայտարարություններին։

«Ես հանդես եմ գալիս ոչ թե որպես երգիչ Տգրան Ասատրյան, այլ 15 մլն հայերից մեկը։ Իմ նախնիները՝ տատիկս, պապիկս ծնված լինելով Արևմտյան Հայաստանում ցեասպանությունից պրծնելով տեղափոխվել են Էջմիածին և տվել են իրենց ժառանգները։ 25 տարի լինելով ԱՄՆ-ում, ամեն տարի մասնակցել եմ ապրիլի 24-ի միջոցառումներին՝ պահանջատեր լինելով մեր ցեղասպանությանը։ Այս տարի լրանում  է ցեղասպանության 110 ամյակը։ Այսօր ինձ իրավունք եմ վերապահում դատապարտել թշնամուն։ Այսօր որևիցե մեկը, ով կարող է իրեն համարել հայ և մոռանալ կամ կասկածի տակ դնել՝ նման բան եղել է, թե ոչ, վստահ եմ նա անգամ եղել է Ծիծեռնակաբերդում, խոնարհվել ու ծաղիկներ դրել հուշահամալիրին։ Ովքեր մոռանում են, ես չեմ համարում նրանց հայ»,- նշում է Ասատրյանը։

Հիշեցնենք, որ օրեր առաջ վարչապետ Նիկոլ Փաշինյանը շվեյցարահայ համայնքի մի խումբ ներկայացուցիչների հետ հանդիպմանը հայտարարել է, թե պետք է դեռ հասկանալ՝ ինչ է տեղի ունեցել Հայոց ցեղասպանության ժամանակ, ինչու և ում միջոցով ենք ընկալել Հայոց ցեղասպանությունը։

«Մենք Հայոց ցեղասպանության պատմությանն էլ պետք է վերադառնանք, պետք է հասկանանք, լավ՝ ինչ է տեղի ունեցել և ինչու է տեղի ունեցել, և ինչպես ենք մենք դա ընկալել, ում միջոցով ենք ընկալել, ոնց է, որ1939 թվին Հայոց ցեղասպանության օրակարգ չի եղել, և ոնց է որ1950-ին Հայոց ցեղասպանության օրակարգ հայտնվել է: Սա մենք պե՞տք է հասկանանք, թե՞ չպետք է հասկանանք», - ասել է նա։