Արարատ քաղաքում բախվել են «Opel»-ն ու «Hyundai Elantra»-ն

Այսօր՝ հունվարի 29-ին, ավտովթար ՝ տեղի ունեցել Արարատի մարզում: Ժամը 09:50-ի սահմաններում Արարատ քաղաքի Շահումյան փողոցում բախվել են «Opel» և «Hyundai Elantra» մակնիշի ավտոմեքենաները:
 
Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ բարեբախտաբար տուժածներ չկան: 
 
Դեպքի վայր են ժամանել ՀՀ ներքին գործերի նախարարության ոստիկանության պարեկային ծառայության Արարատի մարզի գումարտակի 2-րդ վաշտի պարեկները՝ վաշտի հրամանատար Գարուշ Սարգսյանի, վաշտի հրամանատարի տեղակալ Սահակ Թադևոսյանի գլխավորությամբ: 

Տարածքը սահմանազատել են նույն վաշտի պարեկներ Էդգար Մանուկյանն ու Գեղամ Բաբաջանյանը: 
 
Վթարի փաստով ՊԾ Արարատի մարզի գումարտակի 2-րդ վաշտում փաստաթղթեր են ձևակերպվում, որտեղ էլ պարզվում է վարորդների ինքնությունը: 

Առավել մանրամասն՝ սկզբնաղբյուր կայքում։