Մասկը կարծում է, որ Ուկրաինան չափազանց հեռուն է գնացել Ռուսաստանի հետ հակամարտությունում

Կիևը շատ հեռուն է գնացել Մոսկվայի հետ հակամարտությունում։ ТАСС-ի փոխանցմամբ՝  Ուրբաթ նման կարծիք է հայտնել Իլոն Մասկը, ով ղեկավարում է ԱՄՆ կառավարության արդյունավետության գործակալությունը։

«Ուկրաինայի կառավարությունը չափազանց հեռուն է գնացել: Խրամատներում անվերջ մահերը սխալ են, և նրանք, ովքեր շարունակում են պնդել շարունակությունը չունեն կարեկցանք, ոչ էլ ուղեղ»,- գրել է նա X-ում:

Ավելի վաղ Մասկը քննադատել էր Վլադիմիր Զելենսկին Ուկրաինայում ընտրություններ անցկացնելուց հրաժարվելու համար։ Գործարարի խոսքով՝ ուկրաինացիները «իրականում արհամարհում են Զելենսկին»։ Մասկը համոզված է, որ ԱՄՆ նախագահ Դոնալդ Թրամփը «ճիշտ է արել՝ անտեսելով» Զելենսկին և «ձգտել խաղաղության՝ անկախ նողկալի, զանգվածային կոռուպցիոն մեքենայից, որը սնվում է մահացած ուկրաինացի զինվորների մարմիններով»։

Թարգմանությունը՝ Lurer.com-ի