Սինգապուրում զույգը բանտարկվել է կնոջ՝ ուղիղ հեռարձակմամբ պարելու համար

Սինգապուրում զույգին բանտարկել են կնոջ՝ ուղիղ հեռարձակմամբ պարի պատճառով, հայտնում է CNA-ն։

Լրատվամիջոցների տեղեկություններով՝ «հանցագործները», ովքեր իրական ազատազրկման են դատապարտվել հրապարակային անպարկեշտ արարքի համար, 31-ամյա Նգուեն Թհի Նգոկ Լանը և նրա ամուսինը՝ 36-ամյա Ադրիան Չինգ Կահ Սիանն են։ Ամուսիններից յուրաքանչյուրը դատապարտվել է 3 շաբաթ 3 օր ազատազրկման։ Նրանք դատավարության են ենթարկվել անցորդների հայտարարությունից հետո, ովքեր նկատել են, թե ինչպես է կինը սադրիչ շարժվում և տեսանկարահանում է իրեն և դիմել են ոստիկանություն։

Ինչպես նշվում է, Նգուենը պարը կատարել է Սինգապուրի ընդհանուր տարածք հանդիսացող բազմաբնակարան շենքի առաջին հարկում։ 

Կինը կրել է կիսաթափանցիկ զգեստ, բջջային հեռախոսը ամրացրել է եռոտանու վրա և «մի քանի անպարկեշտ շարժումներ» է արել հենց վերելակի դիմաց։ Ինչպես հայտնի է դարձել դատարանում, նա կանոնավոր կերպով ուղիղ եթերով հեռարձակել է TikTok-ով և վիետնամական MMlive հավելվածով՝ գումար ստանալով կիսամերկ պարելու համար։

Ի վերջո, կնոջը մեղադրանք է առաջադրվել հանրության առաջ մերկ երևալու համար, իսկ ամուսինը մեղադրվել է նրան օժանդակելու մեջ։ Մեղադրող կողմը նշել է, որ միջադեպը տեղի է ունեցել դպրոցում աշխատանքային օրը, ինչը նշանակում է, որ երեխաները կարող էին դպրոցից տուն վերադառնալիս՝ տեսել նրա անպարկեշտ պարերը: