Թրամփը հայրենասեր է անվանել Մասկին
Աշխարհ
ԱՄՆ նախագահ Դոնալդ Թրամփը Իլոն Մասկին հայրենասեր է կոչել և հայտարարել, որ գոհ է ԱՄՆ կառավարության արդյունավետության բարձրացման վարչության (DOGE) ղեկավարի պաշտոնում նրա աշխատանքից։
Պահպանողական քաղաքական գործողությունների համաժողովում (CPAC) ելույթի ընթացքում, անդրադառնալով ամերիկյան կառավարության ծախսերի ավելորդությանը և բյուրոկրատիայի կրճատմանը, Թրամփն ընդգծել է DOGE-ի ստեղծումը։ «Իլոնը հիանալի է աշխատում», – հայտարարել է Սպիտակ տան ղեկավարը՝ նշելով, որ Մասկին, ըստ էության, «այս աշխատանքը հարկավոր էլ չէ»։
«Երբ ինձ հարցնում են, թե ինչ պաշտոն է զբաղեցնում նա [Իլոնը], ես պատասխանում եմ. «Նա հայրենասեր է»», – շարունակել է Թրամփը։
«Դաշնային կառավարությունում մենք ազատվում ենք ոչ պիտանի, անիրազեկ և կոռումպացված բյուրոկրատներից»,- ընդգծել է ամերիկյան վարչակազմի ղեկավարը՝ պարզաբանելով, որ արդեն ավելի քան 75 000 դաշնային ծառայող օգտվել է փոխհատուցման վճարի դիմաց կամավոր հրաժարական տալու իր առաջարկից։
«Մենք ցանկանում ենք, որ կառավարությունը լինի ավելի փոքրաթիվ, բայց ավելի արդյունավետ։ Մենք ցանկանում ենք պահպանել լավագույններին և ազատվել վատագույններից», – ամփոփել է Թրամփը։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
