Վաշինգտոնի միջամտությունը ոչ պակաս վրդովեցուցիչ էր, քան Մոսկվայինը․ Գերմանիայի նորընտիր կանցլեր Ֆրիդրիխ Մերց

Գերմանիայի նորընտիր կանցլեր Ֆրիդրիխ Մերցը մտադիր է մինչև Զատիկը նոր կառավարություն ձևավորել, գրում է Interfax-ը։

«Մեզ մոտ ութ շաբաթ է մնացել Զատիկին, և ես կարծում եմ, որ սա բավական ժամանակ կլինի Գերմանիայում կառավարություն ձևավորելու համար»,- իր ելույթի ժամանակ ասել է Մերցը։

Նա նշել է, որ իր բացարձակ առաջնահերթությունը «Եվրոպայում միասնության ստեղծումն է»։

Նրա խոսքով, «Վաշինգտոնի միջամտությունը ոչ պակաս վրդովեցուցիչ էր, քան Մոսկվայինը»։

«Վաշինգտոնի միջամտությունը ոչ պակաս դրամատիկ, արմատական և, ի վերջո, վրդովեցուցիչ էր, քան այն միջամտությունը, որը մենք տեսանք Մոսկվայից», - ասել է Գերմանիայի նորընտիր կանցլեր Ֆրիդրիխ Մերցը: Իմ բացարձակ առաջնահերթությունը կլինի Եվրոպան հնարավորինս արագ հզորացնելը, որպեսզի քայլ առ քայլ կարողանանք իսկապես անկախանալ Միացյալ Նահանգներից։ Երբեք չէի մտածել, որ ստիպված կլինեմ նման բան ասել հեռուստատեսային ծրագրում:

«Սակայն անցյալ շաբաթ Դոնալդ Թրամփի հայտարարություններից հետո պարզ դարձավ, որ ամերիկացիները, գոնե այս վարչակազմի ամերիկացիների այդ հատվածը, մեծ մասամբ անտարբեր է Եվրոպայի ճակատագրի նկատմամբ։ Ինձ շատ հետաքրքիր է տեսնել, թե ինչպես ենք մենք շարժվում դեպի ՆԱՏՕ-ի գագաթնաժողովը հունիսի վերջին, արդյո՞ք մենք դեռ կխոսենք ՆԱՏՕ-ի մասին իր ներկայիս տեսքով: Կամ մենք ստիպված կլինենք շատ ավելի արագ կառուցել անկախ եվրոպական պաշտպանական անվտանգություն»,-ասել է Մերցը։