Հունգարիան դեմ է Ուկրաինային նոր օգնությանը

Հունգարիան չի աջակցի Ուկրաինային զենք մատակարարելու համար նոր տասնյակ միլիարդ եվրոյի հատկացմանը ԵՄ արտգործնախարարների երկուշաբթի օրը կայանալիք հանդիպմանը։ Այս մասին հայտարարել է Հունգարիայի արտաքին գործերի նախարար Պետեր Սիյարտոն, հայտնում է Reuters-ը, փոխանցում է Euromedia24-ը։

 

«Մենք համաձայն չենք ֆիզիկական անձանց նկատմամբ պատժամիջոցների ռեժիմի հապճեպ երկարացմանը, մենք համաձայն չենք տասնյակ միլիարդ եվրո վճարել զենքի մատակարարման համար, իսկ երբ խոսքը վերաբերում է անվտանգության երաշխիքներին, մենք հարց ենք տալիս ոչ թե անվտանգության երաշխիքների կարիքի մասին Ուկրաինային, այլ այն մասին, թե ինչ անվտանգության երաշխիքներ են պետք մեզ՝ հունգարացիներին»,-գրել է ԱԳՆ ղեկավարը Facebook-ում:

 

Այսպիսով, նա հաստատել է փետրվարի 20-ին արտգործնախարարների առաջիկա հանդիպման վերաբերյալ իր ասածը։ Սիյարտոն նախապես զգուշացրել է, որ Հունգարիան այս հանդիպմանը չի աջակցի Ռուսաստանի դեմ անհատական ​​պատժամիջոցները վեց ամսով երկարաձգելու որոշմանը, քանի որ կարծում է, որ դա կարող է խանգարել Ուկրաինայի վերաբերյալ ռուս-ամերիկյան բանակցություններին։