Հունգարիան վախենում է՝ ԵՄ առաջնորդները կխափանեն Ուկրաինայի հարցով Ռուսաստան-ԱՄՆ բանակցությունները
Աշխարհ
Հունգարիան լրջորեն վախենում է, որ ԵՄ շատ առաջնորդներ որոշել են խափանել Ուկրաինայի հարցով ռուս-ամերիկյան խաղաղ բանակցությունները։ Այս մասին հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն՝ Բրյուսելում ԵՄ երկրների գործընկերների հետ հանդիպումից հետո, փոխանցում է ՏԱՍՍ-ը։
«Ես մնում եմ համոզված, որ ԵՄ-ում շատերը լուրջ որոշում են կայացրել՝ փորձել կանխել ամերիկա-ռուսական բանակցությունների հաջողությունը և ապահովել պատերազմի շարունակությունը», - ասել է նա։
Սիյարտոն կարծում է՝ ԵՄ ղեկավարության վերջին առաջարկները՝ Ուկրաինային ռազմական օգնության նոր փաթեթ հատկացնելը, ուղղված են Ռուսաստանի և ԱՄՆ-ի միջև բանակցությունները խաթարելուն։
«Մենք չենք աջակցի այս փաթեթի ընդունմանը։ Այն դեպքում, երբ խաղաղության հույսն ավելի մոտ է դարձել, քան երբևէ»,- զգուշացրել է Սիյարտոն։
«Մենք դեմ ենք քվեարկելու ցանկացած նախաձեռնության, որը սպառնում է ամերիկա-ռուսական բանակցությունների հաջողությանը»,- վստահեցրել է Հունգարիայի ԱԳՆ ղեկավարը։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
