Մարսելում ոստիկանները ձերբակալել են ՌԴ հյուպատոսության վրա հարձակման մեջ կասկածվող երկու անձի

Ոստիկանությունը ձերբակալել է երկու անձի, ովքեր կասկածվում են Մարսելում Ռուսաստանի հյուպատոսության վրա հարձակման մեջ: Այս մասին հաղորդում է BFMTV-ն՝ վկայակոչելով իրավապահ մարմինների աղբյուրները։

Հեռուստաալիքի աղբյուրների փոխանցմամբ՝ հնարավոր հանցագործներին հայտնաբերել են CCTV տեսախցիկները և ձերբակալել փետրվարի 24-ին։

Բերման ենթարկվածների մասին մանրամասներ չեն հաղորդվում։

Ինչպես ավելի վաղ հայտնել էինք փետրվարի 24-ին Ֆրանսիայի Մարսել քաղաքում ՌԴ հյուպատոսության մոտ պայթյուն էր որոտացել։ Դեպքի վայրում էին մոտ 30 հրշեջներ և ոստիկաններ։