Ճապոնիան հայտարարել է, որ G7-ի հետ երկխոսության միջոցով կլուծի ՌԴ-ի դեմ պատժամիջոցների հարցը

Ճապոնիայի կառավարությունը սերտորեն կաշխատի G7 երկրների և այլ երկրների հետ՝ Ուկրաինայում հակամարտությունը լուծելու և որոշելու, թե ինչ միջոցներ կլինեն արդյունավետ այս նպատակին հասնելու համար։ Այս մասին հայտարարել է Ճապոնիայի նախարարների կաբինետի գլխավոր քարտուղար Յոսիմասա Հայաշին՝ պատասխանելով ռուս-ամերիկյան խորհրդակցությունների համատեքստում Ռուսաստանի դեմ գործող պատժամիջոցների պահպանման մասին հարցին, գրում է Euromedia24-ը։

 

«Մենք շարունակում ենք համագործակցել միջազգային հանրության հետ, առաջին հերթին՝ G7-ի երկրների հետ այն առումով, թե ինչն է արդյունավետ Ուկրաինայում արդար և տեւական խաղաղության հասնելու համար»,-ասել է նա։Հայաշին նաև կրկնել է, որ Տոկիոն ուշադիր հետևում է Ուկրաինայի շուրջ տեղի ունեցող իրադարձություններին։

 

Նա հիշեցրել է, որ վարչապետ Շիգերու Իսիբան G7 առցանց գագաթնաժողովում հայտարարել է ճապոնական կողմի մտադրության մասին՝ շարունակելու աջակցել Ուկրաինային և Ռուսաստանի Դաշնության դեմ պատժամիջոցների քաղաքականությանը։