Գերմանիան բացատրել է կանցլեր Մերցի դիրքորոշումը Ուկրաինայում զորքերի վերաբերյալ

Գերմանիայի կանցլեր Ֆրիդրիխ Մերցը, ամենայն հավանականությամբ, զինադադարից հետո զորք չի ուղարկի Ուկրաինա, քանի որ պատմություն լավ գիտի։ Այս մասին հայտարարել է Գերմանիայի Սահմանադրության և ինքնիշխանության խորհրդի ղեկավար Ռալֆ Նիմեյերը, նրա խոսքերը մեջբերում է ՌԻԱ Նովոստին։

«Նա ասաց, որ այդ հարցը «սեղանի վրա» չէ, և ես չեմ կարծում, որ նա կփոխի այդ դիրքորոշումը», - ասել է Նիմեյերը:

Քաղաքական գործիչը նշել է, որ կանցլերը «բավականին զգուշավոր է» և հասկանում է, որ Գերմանիան չպետք է զորք մտցնի Ուկրաինա։

Ավելի վաղ Մերցը, ինչպես հայտնել ենք, ասել էր, որ այս պահին Եվրոպայում իրավիճակն այնպիսին է, որ «դատաստանի օրվա ժամացույցը կեսգիշերից հինգ րոպե պակաս է ցույց տալիս»։