ՌԴ սահմանապահները շարունակում են ծառայություն իրականացնել հայ-թուրքական և հայ-իրանական սահմանին․ Լավրով
Քաղաքական
Ռուսաստանցի սահմանապահները շարունակում են ծառայություն իրականացնել հայ գործընկերների հետ հայ-թուրքական և հայ-իրանական սահմանին Այս մասին Երևանում հայտարարել է Ռուսաստանի ԱԳ նախարար Սերգեյ Լավրովը։
«Մենք այսօր էլ կարևորում ենք դաշնակցային հարաբերությունները Հայաստանի հետ, երկու ժողովուրդների միջև խորը կապերը։ Մեզ մոտ ստեղծված են բազմաթիվ նախադրյալներ պետությունների միջև փոխհարաբերությունների բոլոր ոլորտներում, որոնք պետք է առավելագույնս և խելամտորեն օգտագործել»,– ասել է նա։
Սերգեյ Լավրովի խոսքով՝ Ռուսաստանը պատրաստ է աջակցել ՀՀ տարածքային ամբողջականության պաշտպանությանը։
«Մենք, ինչպես և նախկինում, մեր դաշնակցության կարևորագույն ուղղություններից մեկն ենք համարում անվտանգության ոլորտը։ Մենք պատրաստ ենք ամեն կերպ աջակցել Հայաստանի պաշտպանության, ինքնիշխանության և տարածքային ամբողջականության ապահովմանը։
Այս տարի մենք նշում ենք Հանրապետության տարածքում ռուսաստանյան ռազմաբազայի մասին պայմանագրի ստորագրման 30-ամյակը և Ռուս-հայկական մարդասիրական արձագանքման կենտրոնի բացման 10-ամյակը։
Ռուսաստանցի սահմանապահները շարունակում են ծառայություն իրականացնել հայ գործընկերների հետ հայ-թուրքական և հայ-իրանական սահմանին», - նշել է նա։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
