Իրանը հավանություն է տվել Ռուսաստանի հետ ռազմավարական գործընկերության համաձայնագրի նախագծին

Իրանի Մեջլիսը հավանություն է տվել Ռուսաստանի հետ Համապարփակ ռազմավարական գործընկերության համաձայնագրի մասին օրենքի նախագծին։ Այս մասին հայտնում է РИА Новости-ն՝ հղում անելով աղբյուրներին։

Իրանական IRNA լրատվական գործակալության փոխանցմամբ՝ քվեարկությանը ներկա 212 պատգամավորներից 191-ը կողմ է քվեարկել, 8-ը՝ դեմ, 3-ը՝ ձեռնպահ։

Որպեսզի պայմանագիրն Իրանում ուժի մեջ մտնի, այն պետք է ստուգվի Իսլամական Հանրապետության Սահմանադրության պահապան խորհրդի կողմից՝ սահմանադրությանը և շարիաթի օրենքներին համապատասխանության համար։

Ռուսական կողմն ավելի վաղ հայտնել էր պայմանագրի վավերացման ընթացակարգերի ավարտի մասին։