Ուխտերթ դեպի Մայր Տաճար՝ Սուրբ Էջմիածնի տոնի առթիվ և ի պաշտպանություն Սամվել Կարապետյանի

2025 թվականի հունիսի 22-ին Կաթողիկե Սուրբ Էջմիածնի տոնն է: Այդ օրը ժամը 11։00-ին տեղի է ունենալու Սուրբ և Անմահ Պատարագ Միածնաէջ Մայր Տաճարում:

Սուրբ Պատարագի ավարտին Ամենայն Հայոց Հայրապետի հանդիսապետությամբ կկատարվի մաղթանք Մայր Աթոռ Սուրբ Էջմիածնի անսասանության և հավետ պայծառության համար։

Տոնի առիթով դուրս են բերվելու՝

1. Տիրոջ Կենաց Փայտի մասունքը,
2. Աստվածամուխ Սուրբ Գեղարդը,
3. Սուրբ Գրիգոր Լուսավորչի Աջը,
4. Սուրբ Սահակ Պարթև Հայրապետի մասունքը,
5. Սուրբ Գրիգոր Նարեկացու մասունքը,
6. Հայոց Ցեղասպանության սուրբ նահատակների մասունքարանը,
7. Սկևռայի մասանց պահարանը:

Սուրբ և Անմահ Պատարագին մասնակցելու, ինչպես նաև Մայր Աթոռի և Ամենայն Հայոց Կաթողիկոսի նկատմամբ մեր հավատարմությունը և զորակցությունը ցույց տալու նպատակով մի խումբ կազմակերպություններ առաջարկում են ուխտերթով 2025թ. ժամը 10:00-ից քաղաք Էջմածնի սկզբնամասում գտնվող Սուրբ Գրիգոր Լուսավորչի Աջի մոտից միասին քայլել դեպ Մայր Տաճար՝ մասնակցելու Սուրբ և Անմահ Պատարագին:

10:00-ին Սբ. Գրիգոր Լուսավորչի Աջի մոտից ուխտերթի մեկնարկ

Ստորև նշված հասարակական կազմակերպությունները իրենց աջակցությունն են հայտնում և դատապարտում են բարերար Սամվել Կարապետյանի նկատմամբ 18.06.2025թ. դատարանի ընդունած որոշումը:

«Զինվոր» համակարգող խորհրդի նախագահ Մարգարիտա Խաչատրյան

«Մեզ բացակա չդնեք» ՀԿ Նախագահ՝ Սաթիկ Խլղաթյան

«Պաշտպան» ՀԿ Նախագահ՝ Անահիտ Գրիգորյան

Զոհված և հաշմանդամ դարձած «Փառքի զինվոր» ՀԿ նախագահ՝ Լուսյա Ավետիսյան

«Նրանք զոհվեցին Ձեզ համար» բարեգործական ՀԿ նախագահ՝ Վահագն Հովհաննիսյան

«Ազատամարտիկ ՌՀԿ» նախագահ՝ Ալլա Նիկողոսյան