Գազայի բնակիչները կյանքը վտանգելով փորձում են սնունդ հայթայթել, զոհերի թիվը աճում է

Գազայի հյուսիսային Բեյթ Լահիա քաղաքի բնակիչ Հինդ Ալ-Նավաջհան, ինչպես հազարավոր պաղեստինցիներ, օրական վտանգավոր ճանապարհ է անցնում սնունդ գտնելու համար։ Վերջին օրերին Իսրայելի զինված ուժերի կրակահերթերի հետևանքով տասնյակ մարդիկ են սպանվել՝ փորձելով հասնել ՄԱԿ-ի և միջազգային կազմակերպությունների բեռնատարներին։ Միայն հինգշաբթի օրը 51 քաղաքացիական զոհ է գրանցվել, այդ թվում՝ կիներ և երեխաներ։

Իսրայելի բանակը հայտնել է, որ կրակել է «կասկածյալների» ուղղությամբ, որոնք մոտեցել են զինված ուժերին, սակայն չի հաստատել քաղաքացիական զոհերի մասին տեղեկությունները։ Նորաստեղծ Gaza Humanitarian Foundation կազմակերպությունը, որը մատակարարում է օգնությունը, հայտնվել է քննադատության կենտրոնում՝ ՄԱԿ-ի կողմից գնահատվելով որպես վտանգավոր և ոչ բավարար մեխանիզմ, հայտնում է Reuters-ը։

Ըստ Գազայի առողջապահության նախարարության՝ պատերազմը, որը սկսվել է Համասի հարձակման հետևանքով 2023 թ. հոկտեմբերի 7-ին, արդեն խլել է մոտ 55 600 պաղեստինցիների կյանք։ Ավելի քան 1 միլիոն մարդ մնում է առանց պատշաճ կացարանի, իսկ հումանիտար ճգնաժամը խորանում է։