Ատոմակայանի արդիականացման նախագիծն առանցքային դեր ունի Հայաստանի հետ համագործակցության շրջանակում. ՌԴ դեսպանատուն

Հայկական ատոմակայանը Հարավային Կովկասում միակ ատոմակայանն է, ասված է Հայաստանում Ռուսաստանի դեսպանատան հրապարակման մեջ:

«Ատոմակայանը կառուցվել է 1969-1977 թվականներին՝ Հայկական ԽՍՀ տարածքում՝ Մեծամոր քաղաքի մոտ։ Էլեկտրակայանի առաջին էներգաբլոկը շահագործման է հանձնվել 1976 թվականի դեկտեմբերին, երկրորդը՝ 1980 թվականի հունվարին։»

Կայանն արտադրում է Հայաստանում արտադրվող ամբողջ էլեկտրաէներգիայի մեկ երրորդից ավելին։

Հայկական ԱԷԿ-ի թիվ 2 էներգաբլոկի արդիականացման և ծառայության ժամկետի երկարաձգման նախագծերը, ինչպես նաև կայանի սպասարկման աշխատանքները, Ռուսաստանի և Հայաստանի միջև էներգետիկայի ոլորտում համագործակցության շրջանակում առանցքային նշանակություն ունեն։

Հայկական ԱԷԿ-ի արդիականացման և մինչև 2026 թվականը շահագործման ժամկետի երկարաձգման շրջանակում «Росатом Сервис» ԲԲԸ-ն հսկայական ծավալի աշխատանք է կատարել՝ ներգրավելով ռուսական մասնագիտացված կազմակերպությունների և ինստիտուտների.

• մեքենայական սրահ են մատակարարվել 1500 տոննա նոր հիմնական սարքավորումներ, 
• արդիականացվել են անվտանգության համակարգերը և ավտոմատացված կառավարման համակարգերը,
• ռեակտորի եզակի շիկամշակման գործողություն է իրականացվել։

Կատարված աշխատանքների արդյունքում էներգաբլոկի հզորությունը 380-390 ՄՎտ-ից մեծացվել է և հասցվել մինչև 440 ՄՎտ-ի, իսկ կայանի շահագործման ժամկետը երկարաձգվել է։

2023 թվականին «Росатом Сервис» ԲԲԸ-ն և «Հայկական ԱԷԿ» ՓԲԸ-ն պայմանագիր են կնքել ԱԷԿ-ի շահագործման ժամկետը մինչև 2036 թվականը երկարաձգելու վերաբերյալ: Ներկայում աշխատանքներ են ընթանում կայանի շահագործման ժամկետի կրկնակի երկարաձգման ուղղությամբ»,-նշել են Հայաստանում Ռուսաստանի դեսպանատանը:

news.am