Վաղը Բրյուսելում ձեզ ասելու են՝ փակե՛ք Հայաստանի օդը ռուսական ինքնաթիռների համար. Օվերչուկ

Մոսկվան մտավախություն ունի, որ Հայաստանի եվրոպական ինտեգրումը կհանգեցնի երկրի օդային տարածքի փակմանը ՌԴ-ի համար, ելույթ ունենալով Սանկտ Պետերբուրգի միջազգային տնտեսական ֆորումում՝ ասել է ՌԴ փոխվարչապետ Ալեքսեյ Օվերչուկը։

«Տեսեք, մենք այժմ ավիացիոն կապ չունենք ԵՄ-ի հետ: ԵՄ-ն փակել է իր երկինքը ռուսական ինքնաթիռների համար։ Արդյոք Հայաստանը նույնպես կփակի՞ իր երկինքը։ Եթե միանա Եվրամիությանը, ապա այո՛, որովհետև Բրյուսելը կասի՝ փակե՛ք ձեր երկինքը, և դուք կփակեք երկինքը, այլընտրանք չեք ունենա», - ասել է ՌԴ փոխվարչապետը: