Իրանում խոսել են միջուկային զենքի մասին

Իրանը երբեք չի փորձելու ատոմային ռումբ ստեղծել և չի ձգտելու դա անել ապագայում։ Այս մասին հայտարարել է Իսլամական Հանրապետության փոխարտգործնախարար Սաիդ Խատիբզադեն, փոխանցում է ISNA գործակալությունը։

«Իրանը երբեք չի ձգտել միջուկային զենք ունենալ և երբեք չի ձգտի դա անել ապագայում»,- ասել է նա։

Մինչ այս The Economist-ը գրել էր, որ Իսրայելը պատերազմ է սկսել Իրանի հետ՝ կապված Իսլամական հեղափոխության պահապանների կորպուսի մասին տեղեկությունների հետ, որոնք պատրաստվում են միջուկային մարտագլխիկը հրթիռով զուգակցել։

Հունիսի 19-ի երեկոյան Սպիտակ տունը հայտարարեց, որ Իրանին մի քանի շաբաթ է անհրաժեշտ միջուկային զենք ստեղծելու համար։ Այս ֆոնին Fox News հեռուստաալիքը հայտնել է, որ ԱՄՆ-ը չի բացառում Իրանում մարտավարական միջուկային զենքի կիրառումը։