Թրամփը վախենում է, որ Իրանը «երկրորդ Լիբիա» կդառնա․ NYP

ԱՄՆ նախագահ Դոնալդ Թրամփը հետաձգում է Իրանի դեմ ռազմական գործողության վերաբերյալ վերջնական որոշումը՝ մտավախություն ունենալով, որ երկրում իրավիճակը կարող է սրվել՝ Լիբիայի նման քաոսի վերածվելով։ Այս մասին հայտնում է The New York Post-ը։

Հրատարակության զրուցակիցների խոսքով՝ Թրամփը բազմիցս նշել է 2011 թվականին Լիբիայում տեղի ունեցած իրադարձությունները՝ որպես իրանաիսրայելական հակամարտության զարգացման անցանկալի սցենար։

Աղբյուրներից մեկը մանրամասնել է, որ նախագահը չի ցանկանում, որ կրկնվի այն իրավիճակը, որում ԱՄՆ ռազմական միջամտությունը հանգեցրեց երկրի ապակայունացման և ռեժիմի փոփոխության։

Բացի այդ, Թրամփը, ըստ հրապարակման, հիշեցրել է Իրաքի և Աֆղանստանի օրինակները, որտեղ ռազմական գործողությունները հանգեցրել են ամերիկյան ուժերի երկարատև ներկայության և ներքին ճգնաժամերի։