Դատարանը 4 տարվա պատիժ է սահմանել դպրոցում զանգվածային սպանություն ծրագրած աշակերտին

Տոբոլսկի դատարանը 4 տարվա դաստիարակչական աշխատանքների է դատապարտել մի աշակերտի, որը ծրագրում էր զանգվածային սպանություններ կատարել քաղաքի դպրոցներից մեկում։ Տեղեկությունը փոխանցում է ՏԱՍՍ գործակալությունը։

Ըստ տվյալների, դպրոցականը դեստրուկտիվ գաղափարներ էր կիսում և կապ ուներ սուբկուլտուրաների հետ, որոնք խթանում են օրինախախտ վարքագիծ։ Նա մեղավոր է ճանաչվել «սպանության փորձ՝ առանձնակի դաժանությամբ» հոդվածով և պատիժը կկրի դաստիարակչական գաղութում։ Բացի այդ, որոշվել է պարտադիր հոգեբուժական վերահսկողություն իրականացնել նրա նկատմամբ։

Հետաքննությամբ պարզվել է, որ դեռահասը հանցագործությունը ծրագրել է 2022-ի օգոստոսի 8-ից մինչև 2024-ի օգոստոսի 23-ը՝ հավաքելով անհրաժեշտ տեղեկատվություն և պատրաստելով պայմաններ, սակայն չի հասցրել իրագործել ծրագիրը՝ իրավապահների կողմից ձերբակալվելու պատճառով։