Պուտինը հուսով է, որ Իրանի հոգևոր առաջնորդին սպանելու մասին Իսրայելի սպառնալիքները կմնան հռետորաբանության մակարդակում
Հասարակություն
Ռուսաստանի Դաշնության նախագահ Վլադիմիր Պուտինը հույս է հայտնել, որ Իրանի հոգևոր առաջնորդ Այաթոլլահ Ալի Խամենեիին սպանելու մասին Իսրայելի սպառնալիքները չեն իրականանա։
«Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ վկայակոչելով ՌԴ նախագահի հայտարարությունը Սանկտ Պետերբուրգի միջազգային տնտեսական համաժողովում։
«Ես շատ կցանկանայի, որ Ձեր ասածները (խմբ․ Իսրայելի սպառնալիքները Իրանի հոգևոր առաջնորդ Խամենեիի նկատմամբ) մնան հռետորաբանության մակարդակում»,-նշել է Ռուսաստանի նախագահը։
Պուտինը նաև նշել է, որ Իրանի և Իսրայելի միջև հակամարտությունը լուծելու համար կարելի է գտնել ընդունելի լուծումներ։
«Այստեղ, իմ կարծիքով, անկասկած կարելի է գտնել ընդունելի լուծումներ երկու երկրների համար։ Եվ գլոբալ հարավի երկրները, և հատկապես տարածաշրջանի երկրներն, անկասկած, կարող են դրական ազդեցություն ունենալ այս գործընթացի, այս լուծումը գտնելու վրա։ Իմ կարծիքով՝ նման լուծում գոյություն ունի»,-ասել է ՌԴ նախագահը։
Ավելի վաղ Իսրայելի պաշտպանության նախարար Իսրայել Կացն Իրանի դեմ ռազմական գործողության նպատակներից մեկը անվանել էր Իսլամական հանրապետության հոգևոր առաջնորդ Այաթոլլա Ալի Խամենեիի «գոյության դադարեցումը»։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
