Հոկտեմբերին Սոչիում կկայանա հայկական անշարժ գույքի առաջին ցուցահանդեսը

Հոկտեմբերի 4-ին և 5-ին Սոչի քաղաքը կդառնա հայկական անշարժ գույքի ներկայացման կարևոր հարթակ։ Առաջին անգամ Սոչիում կկազմակերպվի հայկական անշարժ գույքի ցուցահանդես, որտեղ կներկայացվեն Հայաստանի լավագույն նորակառույցները՝ ինչպես Երևանից, այնպես էլ  այլ  քաղաքներից։

Միջոցառման ընթացքում ներկայացվելու են ինչպես Հայաստանի լավագույն բնակելի շենքերը, այնպես էլ հյուրատներ և կոմերցիոն տարածքներ։  Ուշադրության են արժանի նաև հյուրատները, որոնք գնորդներին կտրամադրեն երաշխավորված եկամուտ՝ Հայաստանում զարգացող զբոսաշրջությունից։

Միջոցառման կազմակերպիչ՝ BPA (Business Partners of Armenia) ընկերությունը՝ Վրույր Փենեսյանի նախաձեռնությամբ , արդեն իսկ փորձ ունի նման նախագծի իրականացման մեջ. այս տարվա ապրիլին Մոսկվայում առաջին անգամ կազմակերպվեց  նմանատիպ ցուցահանդես, որը մեծ արձագանք ունեցավ ինչպես հայ համայնքի, այնպես էլ որոշ ռուս գնորդների շրջանում։ Այդ հաջող փորձը հիմք է դարձել միջոցառման աշխարհագրությունը ընդլայնելու և Սոչին, որպես հաջորդ կարևոր կենտրոն ընտրելու համար։

Միջոցառման ընթացքում մի շարք բանկեր կտրամադրեն հիպոթեկային վարկավորման հատուկ պայմաններ՝ հասանելի դարձնելով անշարժ գույքի ձեռքբերումը ոչ միայն Հայաստանի քաղաքացիների, այլև Ռուսաստանի Դաշնության քաղաքացիների համար։

Սոչիի և հարակից Կրասնոդարի երկրամասում ապրում է ավելի քան 500,000 հայ, ինչը միջոցառման արդյունավետության համար ստեղծում է մեծ նախադրյալներ ուստի նախատեսվում է մեծ գովազդային արշավ կազմակերպել  հարակից շրջաններում ևս։ 

Ի սկզբանե միջոցառումը նախատեսված էր կազմակերպել 2026 թվականի ապրիլին, սակայն հետազոտությունները ցույց տվեցին, որ Սոչիում անշարժ գույքի շուկայում ակտիվությունը հատկապես բարձր է սեպտեմբերի վերջին և հոկտեմբերի առաջին շաբաթներին։ Հաշվի առնելով այդ փաստը՝ կազմակերպիչները որոշել են ցուցահանդեսը տեղափոխել հենց այս տարվա հոկտեմբերի 4-5-ը՝ մասնակիցների համար առավելագույն արդյունք ապահովելու նպատակով։

Այս որոշման հիմքում ընկած է այն կարևոր իրողությունը, որ հենց այս ժամանակահատվածում է փակվում Սոչիի տուրիստական սեզոնը։ Տեղի շատ հայ ձեռնարկատերեր, որոնք տիրապետում են ռեստորաններ, սրճարաններ, հյուրատներ, հյուրանոցներ և այլ բիզնեսներ, որոնք ուղղակիորեն կապված են տուրիզմի հետ, հենց սեզոնի ավարտին են ամփոփում իրենց եկամուտները։ Այդ պահը լավագույնն է ներդրումներ կատարելու, այդ թվում՝ անշարժ գույք ձեռք բերելու տեսանկյունից։ Հաշվի առնելով, որ այդ շրջանում գործարարների մոտ շրջանառվում է զգալի չափի կանխիկ գումար, մեծանում է հավանականությունը, որ նրանք ակտիվորեն կմասնակցեն նաև հայկական անշարժ գույքի ցուցահանդեսին՝ դիտարկելով այն որպես նոր ներդրումային հնարավորություն։

Մասնակցության համար կարող են դիմել  Business Partners of Armenia ընկերություն 099580902 ։
BPA ընկերությունը նախքան հոկտեմբերի միջոցառումը հանդես կգա նաև մեկ այլ նախաձեռնությամբ Մոսկվայում ։ Սեպտեմբերի 5,6 և 7-ին Մոսկվայի հանրահայտ (ВДНХ, ПАВИЛЬОН АРМЕНИЯ) ժողովրդական տնտեսության նվաճումների ցուցահանդեսին առաջին անգամ կկազմակերպի Հայկական բարձր դասի արտադրանքների ցուցահանդես և հյուրասիրություն , որտեղ ներառված կլինեն հայկական լավագույն կոնյակներից մինջև սև խավիար։ Հաշվի առնելով, որ սեպտեմբերի 7-ը նշվում է, որպես Մոսկվայի օր և ցուցահանդեսի տարածքում նախատեսվում է մեծ համերգ ապա ակնկալվում է նաև մեծ հոսք դեպի Հայաստան տաղավար։

Մենք այսուհետ փորձելու ենք լավագույն հայկականը ներկայացնել  աշխարհին և նոր գործարար կապեր ստեղծելով ներդրումներ գեներացնել դեպի Հայաստան։

Վրույր Փենեսյան