Եվրոպան սկսել է վախենալ ԱՄՆ-ից զենք գնել․ Bloomberg

Եվրոպան զգուշանում է Միացյալ Նահանգներից զենք գնել՝ ԱՄՆ նախագահ Դոնալդ Թրամփի կողմից Ռուսաստանի նկատմամբ վարվող քաղաքականության, ինչպես նաև ԱՄՆ արտաքին քաղաքականության անկանխատեսելիության պատճառով։ Այս մասին հայտնել է Bloomberg-ը։

«Նրանք վախենում են, որ կարող են ավելի մեծ ռիսկերի ենթարկվել, եթե խորացնեն իրենց կախվածությունը Միացյալ Նահանգներից», - ասվում է հրապարակման մեջ։

Գործակալության տվյալներով՝ եվրոպական երկրների համար, որոնք հաստատել են տասնամյակների ընթացքում ռազմական ծախսերի ամենամեծ աճը՝ մինչև ՀՆԱ-ի 5%, Միացյալ Նահանգներից զենք գնելը թվում է պակաս գրավիչ, քան նախկինում։ Սակայն, ինչպես գրում է Bloomberg-ը, եվրոպական երկրները ստիպված են ապավինել Միացյալ Նահանգներին՝ եվրոպական պաշտպանական ոլորտի տեխնոլոգիական հետամնացության պատճառով։

Միևնույն ժամանակ, Ֆրանսիայի նախագահ Էմանուել Մակրոնը կոչ է անում ԵՄ երկրներին սկսել ապավինել իրենց պաշտպանական ընկերություններին։ Գործակալությունը նշել է, որ եվրոպական ընկերությունները հույս ունեն պահանջարկի աճի, բայց խոստովանում են, որ «եվրոպական պաշտպանական արդյունաբերությունը ներկայումս պատրաստ չէ ստանձնել ամբողջ բեռը»։