Պուտինն առաջարկում է Ստամբուլում անցկացնել նոր բանակցային փուլ Ուկրաինայի հետ

ՌԴ նախագահ Վլադիմիր Պուտինը հայտարարել է, որ Ռուսաստանը պատրաստ է անցկացնել Ուկրաինայի հետ հաջորդ բանակցային փուլը Ստամբուլում՝ շնորհակալություն հայտնելով Թուրքիայի նախագահ Ռեջեփ Թայիփ Էրդողանին միջնորդության համար։

Նրա խոսքով՝ կողմերը նախկինում պայմանավորվել էին, որ այս փուլից հետո կանցկացվի երրորդ բանակցային փուլը, և Ռուսաստանն ամբողջությամբ պատրաստ է դրան, գրում է Лента.ру-ն։

Պուտինը նշել է, որ բանակցությունների նյութը լինելու են Մոսկվայի և Կիևի կողմից նախապատրաստված հուշագրերը, որոնք, ըստ նրա, էապես տարբերվում են միմյանցից, սակայն դա զարմանալի չէ ներկայիս իրավիճակում։