11-ամյա աղջիկը ընկել է հյուրանոցի յոթերորդ հարկից և մահացել

Իսպանիայի Մայորկա կղզում՝ Ալկուդիա քաղաքում, տեղի է ունեցել ողբերգություն․ 11-ամյա իռլանդացի աղջիկը ընկել է հյուրանոցի յոթերորդ հարկից։ Ինչպես հայտնում է Cronica Balear-ը, դեպքը տեղի է ունեցել հունիսի 22-ի գիշերը։

Ըստ նախնական տվյալների՝ երբ ընտանիքի մյուս անդամները քնած էին, երեխան դուրս է եկել համարի պատշգամբ և սայթաքելով ընկել է ներքև։

Բժիշկները փորձել են փրկել նրա կյանքը, սակայն ստացած վնասվածքներն անհամատեղելի են եղել կյանքի հետ։ Տեղական իշխանությունները սկսել են միջադեպի մանրամասների քննությունը։