Տղամարդիկ նոր թրենդի մեջ են․ հետույքի պլաստիկ վիրահատությունները դարձել են հիթ ԱՄՆ-ում

GQ ամսագրի տվյալներով՝ ԱՄՆ-ում կտրուկ աճել է տղամարդկանց հետաքրքրությունը բրազիլական տիպի հետույքի պլաստիկ վիրահատության նկատմամբ։ 2023-ից ի վեր միջինում 400-ով ավելի տղամարդ է դիմել նման միջամտության՝ ընդգծելու մարմնի այս հատվածը։

Թրենդը նկատել են նաև նորաձևության աշխարհում․ բրենդներ՝ ինչպես Leo, Mott & Bow և Glute God, սկսել են վաճառել տղամարդկանց համար նախատեսված push-up տիպի տաբատներ, լեգինսներ ու ներքնազգեստ։

Նույն միտումը նկատում են նաև մարզասրահներում։ Ֆիզիոթերապևտ Ջոն Ռասինի խոսքով՝ տղամարդիկ սկսել են ակտիվորեն կատարել ոտքերի ու հետույքի վարժություններ՝ ավելացնելով մկանային զանգվածն ու ձևը։ «Այլևս չեն ծաղրում այս վարժությունները՝ հերթ կանգնելով նույնիսկ հիպ-աբդաքտոր սարքերի մոտ», — ասել է նա։