ԱՄՆ-ի երկնքում խորհրդավոր հրե գունդ է երևացել
ԱՄՆ
ԱՄՆ Ջորջիա և Հարավային Կարոլինա նահանգների երկնքում՝ երկրի հարավ-արևելքում, նկատվել է խորհրդավոր հրե գունդ։ Կադրերը հրապարակվել են CBS News հեռուստաալիքի կողմից։
Օբյեկտի հայտնաբերումից որոշ ժամանակ անց այն պայթել է Ջորջիայի վրա՝ առաջացնելով որոտ, որը լսել են բազմաթիվ տեղացի բնակիչներ։
Ամերիկյան երկնաքարերի ընկերությունը երկու նահանգների ականատեսներից ստացել է հրե գունդ տեսնելու մասին ավելի քան 160 հաղորդագրություն։
NASA-ի խոսնակ Բիլ Քուքը հայտնել է, որ այն առաջին անգամ նկատվել է Ջորջիա նահանգի Օքսֆորդ քաղաքի երկնքում՝ մոտ 80 կիլոմետր բարձրության վրա։ Հրե գունդը շարժվել է դեպի հարավ-արևմուտք՝ ժամում ավելի քան 48 000 կմ արագությամբ։
Ավելի ուշ օբյեկտը պայթել է Ջորջիայի Արևմտյան անտառի երկնքում՝ մոտ 43 կմ բարձրության վրա՝ արձակելով մոտ 20 տոննա տրոտիլի համարժեք էներգիա։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
