Անգլիայի եկեղեցին կարող է նվազեցնել Կանտերբուրիի արքեպիսկոպոսի դերը՝ խուսափելու համաշխարհային պառակտումից

Անգլիկան Համայնքը քննարկում է Կանտերբուրիի արքեպիսկոպոսի համաշխարհային խորհրդանշական դերի սահմանափակումը՝ փորձելով կանխել պառակտումը սեռական փոքրամասնությունների և կանանց քահանայական օրհնության հարցերում առաջացած տարաձայնությունների պատճառով։ Նոր առաջարկով նախատեսվում է ստեղծել ռոտացիոն գլոբալ առաջնորդ՝ հինգ տարածաշրջաններից հերթով ընտրվող անձով, որը կկիսի ներկայիս հոգևոր ղեկավարի գործառույթները,  գրում է Reuters-ը։

Այս բարեփոխումները գալիս են մի փուլում, երբ Աֆրիկայի և Ասիայի ավանդական եկեղեցիները հակադրվում են Անգլիայի ավելի առաջադեմ դիրքորոշումներին։ Համայնքում անհամաձայնությունը սրվեց դեռևս 2003-ին՝ ԱՄՆ-ում առաջին բացահայտ գեյ եպիսկոպոսի օծմամբ, իսկ 2023-ին ԳԱՖԿՈՆ շարժումը (որն իրեն ներկայացնում է որպես Համայնքի 85%-ը) մերժեց Անգլիայի առաջնորդի հեղինակությունը՝ նույնասեռական միությունների օրհնության պատճառով։

Ներկայում Կանտերբուրիի աթոռը թափուր է՝ նախկին առաջնորդ Ջասթին Ուելբիի սկանդալային հրաժարականից հետո։ Նոր ընտրության գործընթացը շարունակվում է, սակայն քննարկումները վկայում են, որ Անգլիկանությունը կանգնած է գաղափարական ճեղքման եզրին, իսկ եկեղեցու ապագան կախված է հավասարակշռված մոդելի և համերաշխ առաջնորդության ձևավորումից։