Կիևը 6.2 միլիոն ԱՄՆ դոլար կուղղի անօդաչուների ոչնչացման համակարգի ստեղծմանը

Ուկրաինայի մայրաքաղաք Կիևը կհատկացնի 260 միլիոն գրիվնա (մոտ $6.2 միլիոն) ռուսական անօդաչուներից պաշտպանվելու նոր ծրագրի շրջանակում, հայտարարում են քաղաքային իշխանությունները։ Նպատակն է՝ կառուցել արդյունավետ համակարգ, որը ոչ միայն տեխնիկա կգնի, այլև կապահովի արձագանքման ամբողջական ինֆրաստրուկտուրա։

Վերջին շաբաթներին Ռուսաստանը ակտիվացրել է Կիևի վրա իր համատեղ հրթիռային ու անօդաչու հարձակումները՝ պատճառելով վնաս գրեթե բոլոր վարչական շրջաններին։ Տեղի ռազմական վարչակազմի ղեկավար Տիմուր Տկաչենկոն նշել է, որ փորձնական ծրագիրը վերջին ամիսներին արդեն թույլ է տվել կասեցնել մոտ 550 անօդաչու հարվածներ։

Նախատեսվում է նաև ստեղծել անօդաչու որսացողների օպերատորների ուսումնական կենտրոն, ինչպես նաև շարժական խմբեր՝ Կիևում և արվարձաններում։ Նախագահ Զելենսկին հայտարարել է, որ աշխատանքները շարունակվում են՝ տեխնոլոգիան ընդլայնելու ուղղությամբ, իսկ միջազգային գործընկերների հետ քննարկվում է դրա ներդրումների հեռանկարը, հայտնում է Reuters-ը։