Կրեմլը հայտարարում է՝ Ռուսաստանում ռազմական գրաքննության ժամանակաշրջան է

Կրեմլի պաշտոնական ներկայացուցիչ Դմիտրի Պեսկովը հայտարարել է, որ Ռուսաստանը հիմա գտնվում է «ռազմական գրաքննության» պայմաններում։ Նրա խոսքով՝ սա աննախադեպ իրավիճակ է երկրի համար, սակայն պայմանավորված է տեղեկատվական դաշտում ընթացող «պատերազմով»։

«Շատ լրատվամիջոցներ փակվել են, լրագրողները՝ հեռացել։ Բայց մենք չենք կարող աչք փակել այն մեդիայի վրա, որը նպատակային զբաղվում է Ռուսաստանի վարկաբեկմամբ», — նշել է Պեսկովը «Էքսպերտ» ամսագրին տված հարցազրույցում։

Նա նշել է, որ նման պայմաններում տեղեկատվության վերահսկողությունը՝ «արդարացված և անհրաժեշտ» քայլ է՝ ներկա ժամանակաշրջանի մարտահրավերների պայմաններում։