Ռուսաստանի ՊՆ-ն հայտնում է ուկրաինական թիրախների վրա մեկ շաբաթում իրականացված զանգվածային հարվածների մասին

Ռուսաստանի պաշտպանության նախարարությունը հայտարարել է, որ հուլիսի 5-ից 11-ն ընկած ժամանակահատվածում իրականացվել է վեց խմբային հարված Ուկրաինայի ռազմական և ենթակառուցվածքային օբյեկտների վրա։ Հարվածները հասցվել են բարձր ճշգրտության զինատեսակներով, այդ թվում՝ «Կինժալ» հիպերձայնային հրթիռներով և հարվածային անօդաչուներով։

Ըստ գերատեսչության՝ թիրախավորվել են ռազմական արդյունաբերության ձեռնարկություններ, էներգետիկ ենթակառուցվածքներ, օդանավակայաններ, անօդաչու նավակների պահեստարաններ ու արտադրամասեր, զինապահեստներ և Ուկրաինայի համալրման կենտրոններ (ՏՑԿ-ներ)։

Հուլիսի 10-ի գիշերը ՌԴ զինված ուժերը հարվածել էին Կիևի ռազմական արդյունաբերական օբյեկտներին, ինչպես նաև ռազմական օդանավակայանի ենթակառուցվածքին։ Ուկրաինական կողմը դեռևս չի արձագանքել պաշտոնապես այս հայտարարություններին, գրում է Лента.ру-ն։