ԱՄՆ-ում կասկածում են Իրանի միջուկային օբյեկտների ոչնչացման գործողության արդյունավետությանը

ԱՄՆ Պաշտպանության նախարարության ռազմական սպառնալիքների նվազեցման գործակալության ներկայացուցիչները կասկածի տակ են դրել GBU-57 տիպի գերհզոր հակաբունկերային ռումբերի արդյունավետությունը Իրանի միջուկային օբյեկտների դեմ։ Այդ մասին հայտնում է Associated Press-ը՝ հղում անելով բարձր կարգի աղբյուրներին։

Ըստ պաշտոնյաների, մինչ օրս պարզ չէ՝ արդյոք ռումբերը կարողացել են հասնել այն խորությանը, որի համար նախատեսված էին։ GBU-57-ը նախագծված է ամրացված և ստորգետնյա թիրախների դեմ պայքարի համար, սակայն Իրանում գտնվող միջուկային ենթակառուցվածքները չափազանց խորը և պաշտպանված են։

Հայտնի չէ, թե արդյոք ԱՄՆ-ը գործնականում կիրառում է այս զինատեսակը Իրանի դեմ, սակայն փորձագիտական գնահատականները մատնանշում են, որ նույնիսկ նման գերհզոր զենքի պարագայում՝ Իրանի միջուկային ծրագիրը մնում է տեխնոլոգիապես դիմակայուն։