ԱՄՆ-ում սկսվել է հետաքննություն DEI քաղաքականության և աշխատատեղերի վարձման ոլորտում ռասայական խտրականության վերաբերյալ

ԱՄՆ կրթության և արդարադատության նախարարությունները հայտարարել են հետաքննության մեկնարկի մասին՝ ուղղված Վիրջինիայի Ջորջ Մեյսոնի համալսարանի և Մինեսոտայի նահանգային իշխանությունների դեմ։ Պաշտոնական հաղորդագրությունների համաձայն՝ հարցը վերաբերում է աշխատատեղերի համալրման և DEI (հավասարություն, բազմազանություն և ընդգրկում) նախաձեռնություններին, որոնք ըստ վարչակազմի՝ կարող են խախտել ԱՄՆ քաղաքացիական իրավունքների մասին օրենքները, գրում է Reuters-ը։

Կրթության նախարարությունն ուսումնասիրում է, թե արդյոք Ջորջ Մեյսոն համալսարանի կիրառած ներառական ծրագրերը խախտել են 1964 թվականի Քաղաքացիական իրավունքների ակտը՝ ապահովելով «առավելություն» որոշ խմբերի՝ ռասայական կամ էթնիկ պատկանելիության հիմքով։ Միևնույն ժամանակ, Արդարադատության նախարարությունը հետաքննություն է սկսել Մինեսոտայի մարդու ծառայությունների դեպարտամենտի դեմ՝ հնարավոր ռասայական և սեռային խտրականության մեղադրանքներով։

Թրամփի վարչակազմը բազմիցս քննադատել է DEI նախաձեռնությունները՝ դրանք համարելով հակամրցակցային և ուղղված սպիտակամորթների ու տղամարդկանց դեմ։ Մյուս կողմից՝ քաղաքացիական իրավապաշտպանները պնդում են, որ այդ ծրագրերը միտված են պատմական անհավասարության շտկմանը։ Վերջերս, ԱՄՆ գյուղատնտեսության նախարարությունը ևս հայտարարել է, որ դադարեցնում է ռասայի կամ սեռի հիման վրա որոշումների կայացումը որոշ ֆինանսական ծրագրերում։