ԱՄՆ Պետդեպարտամենտում սկսվել են զանգվածային կրճատումներ

ԱՄՆ Պետդեպարտամենտը սկսել է զանգվածային կադրային կրճատումներ՝ համաձայն Դոնալդ Թրամփի վարչակազմի առաջիկա վերակազմակերպման պլանի։ Այս մասին հայտնում է Associated Press-ը։

Ըստ աղբյուրի՝ պաշտոնական ծանուցումներ արդեն ուղարկվել են ավելի քան 1300 աշխատակիցների, այդ թվում՝ 1107 քաղաքացիական ծառայողին և 246 դիվանագետի։

Դիվանագիտական կորպուսի կրճատվող աշխատակիցները անմիջապես ուղարկվում են 120-օրյա վարչական արձակուրդի, որից հետո պաշտոնապես հեռացվելու են։ Մնացած պետական ծառայողները, հիմնականում, ազատվում են աշխատանքից 60-օրյա ժամկետում։ Վերլուծաբաններն այս քայլը համարում են վտանգավոր՝ նշելով, որ այն կարող է խաթարել ԱՄՆ-ի գլոբալ ազդեցությունն ու հակահարված տալ արտաքին սպառնալիքներին։