Չինաստանը պարտադիր կանաչ էներգիայի չափորոշիչներ է սահմանում պողպատի, ցեմենտի և պոլիկրիստալիկ սիլիկոնի արտադրության համար

Չինաստանը  սահմանել է վերականգնվող էներգիայի օգտագործման պարտադիր չափանիշներ ծանր արդյունաբերության ոլորտների՝ այդ թվում պողպատի, ցեմենտի և պոլիկրիստալիկ սիլիկոնի, ինչպես նաև որոշ տվյալների կենտրոնների համար։ Այս մասին հայտնել է երկրի Ազգային զարգացման և բարեփոխումների հանձնաժողովը։

Ըստ նոր կանոնների՝ նոր կառուցվող տվյալների կենտրոնները պետք է օգտագործեն առնվազն 80% կանաչ էլեկտրաէներգիա, իսկ արդյունաբերական ոլորտներում օգտագործվող վերականգնվող էներգիայի տոկոսը կտատանվի ըստ նահանգի։ Օրինակ՝ 2025-ին հիդրոէներգիայով հարուստ Յուննան նահանգում պահանջվում է մինչև 70% վերականգնվող էներգիա, մինչդեռ Ֆուջյանում՝ ընդամենը 24.2%։

Փորձագետները նշում են, որ այս չափանիշներն օգտագործվելու են նոր «տարբերության պայմանագրային» համակարգում՝ որի շրջանակում կառավարությունը փոխհատուցում է վերականգնվող էներգիայի մատակարարներին շուկայի ցածր գնի դեպքում՝ խթանելով կանաչ ներդրումներ, հայտնում է Reuters-ը։