Շվեյցարիայում Լեհաստանի դրոնների միջադեպը Ուկրաինայի սադրանք են անվանել

Լեհաստանի օդային տարածք դրոնների ներթափանցման միջադեպը կարող է Ուկրաինայի և արևմտյան հատուկ ծառայությունների սադրանք լինել։ Հայտնել է շվեյցարացի քաղաքական գործիչ Գի Մետանը, գրում է Lenta-ն։

«Տեսնենք, թե ինչ ցույց կտա հետաքննությունը, բայց մեծ հավանականություն կա, որ սա Ուկրաինայի նոր սադրանք է, որը կազմակերպվել է արևմտյան որոշ հատուկ ծառայությունների հետ համագործակցությամբ», - ասել է քաղաքական գործիչը:

Նրա կարծիքով՝ սադրանքի նպատակը ԱՄՆ նախագահ Դոնալդ Թրամփի վրա ճնշում գործադրելն է, որպեսզի վերջինս պատժամիջոցներ սահմանի Ռուսաստանի դեմ, ինչպես նաև եվրոպացիներին ստիպի «շարունակել օգնությունն Ուկրաինային» և ուշադրությունը շեղել ներքին խնդիրներից: Մետանը ընդգծել է՝ միջադեպը տեղի է ունեցել «Ֆրանսիայում քաղաքական, Մեծ Բրիտանիայում սոցիալական և Գերմանիայում տնտեսական ճգնաժամների» ֆոնին: