Արգիշտի Մեխակյանը հանդիպել է Արցախցիներին․ նախընտրական հավա՞ք Էջմիածնի ՏԻՄ ընտրություններից առաջ (տեսանյութ)

Այսօր ՔՊ-ական Արգիշտի Մեխակյանը հանդիպել է Արմավիրում վերբնակեցված արցախցիներին։ Այս հանդիպումը աներկբա կարող է ընկալվել որպես նախընտրական հավաք նոյեմբերին Էջմիածնում կայանալիք ՏԻՄ ընտրություններից առաջ։ 

Արգիշտի Մեխակյանը, որը պաշտոնը ստանձնեց Դիաննա Գասպարյանի հրաժարականից և նրա քրեական գործերով հեռանալուց հետո, հանդիպել է Արմավիրում բնակվող արցախցիների հետ  ժամը 18:00-ին։ 

Հատկանշական է այն փաստը, որ Մեխակյանը, մարզպետի պաշտոնում խույս է տվել արցախցու հոգսից։ Այժմ նման քայլը շատերի մոտ կասկածներ է առաջացնում նրա անկեղծության և իրական նպատակների վերաբերյալ։ 

Վերլուծաբանների կարծիքով՝ այն կարող է դիտարկվել որպես նախընտրական գործընթացի մաս, քանի որ արցախցիները Հայաստանում ձևավորել են լուրջ սոցիալ-քաղաքական խումբ, որի ձայները վճռորոշ կարող են լինել առաջիկա ընտրություններում։ 

Ուշագրավ է այն փաստը որ հանդիպման կազմակերպչական գործընթացում ներգրավված է մի մարդ որ դիրքավորված էր որպես ընդիմադիրև հայտնի ակտիվիստ, այդ մարդը Լիաննա Պետրոսյանն է, որը նախկինում բազմիցս հանդես է եկել արցախցիների իրավունքների պաշտպանությամբ և իշխանությունների դեմ կազմակերպած ակցիաներով։ Նա Արայիկ Հարությունյանի նախկին խորհրդական Վլադիմիր Գրիգորյանի հետ համատեղ կազմակերպել է արցախցիների հետ այս հանդիպումը։