Թմրամիջոցներ, բջջային հեռախոսներ, wi-fi սարքեր․ Քրեակատարողական ծառայության օգոստոսի հաշվետվությունը
Հասարակություն
Արդարադատության նախարարության Քրեակատարողական ծառայությունը հետևողականորեն շարունակում է իրականացնել միջոցառումներ՝ քրեակատարողական հիմնարկներ թմրամիջոցների և արգելված իրերի ներթափանցումը, ազատազրկված անձանց կողմից դրանց պահումն ու ապօրինի շրջանառությունը կանխելու և բացահայտելու նպատակով։
Ծառայությունը ներկայացնում է 2025 թվականի օգոստոսի ընթացքում կենտրոնական մարմնի օպերատիվ վարչության տարածքային բաժինների և քրեակատարողական հիմնարկների անվտանգության ապահովման բաժինների ծառայողների կողմից անցկացված միջոցառումների արդյունքում հայտնաբերված խախտումները.
- 71.39 գրամ թմրամիջոցների նմանվող զանգվածներ,
- 176 բջջային հեռախոս,
- 175 բջջային հեռախոսի պարագա,
- 4 wi-fi սարք,
- 36 կտրող-ծակող առարկա,
- 115.7 լիտր ինքնաշեն ոգելից խմիչք և արգելված այլ իրեր։
Բոլոր դեպքերով նախաձեռնվել են քրեական, վարչական և կարգապահական վարույթներ, նշանակվել են դատաքիմիական փորձաքննություններ։
Քրեակատարողական ծառայությունը կրկին հորդորում է քաղաքացիներին խստորեն պահպանել քրեակատարողական հիմնարկներ այցելելու՝ օրենքով սահմանված պահանջները և զերծ մնալ անօրինական գործողություններից։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
