Գերմանիան ձգտում է սահմանափակել ՌԴ քաղաքացիներին Շենգենյան երկրներ մեկնելու համար վիզաների տրամադրումը

Գերմանիայի կառավարությունը մտադիր է հասնել Շենգենյան երկրներ մեկնելու համար Ռուսաստանի քաղաքացիներին վիզաների տրամադրման ավելի խիստ սահմանափակումների: Ըստ գերմանական Deutsche Presse-Agentur-ի՝ Բեռլինի պատրաստած փաստաթուղթը պարունակում է պահանջ, ըստ որի Եվրահանձնաժողովը լիովին կիրառի 2022 թվականի առաջարկությունները, ըստ որոնց՝ ռուսաստանցիների համար զբոսաշրջային ուղևորությունների համար վիզաները պետք է զգալիորեն կրճատվեն:

Սակայն, վիճակագրությունը ցույց է տալիս, որ դա դեռևս տեղի չի ունեցել, հաղորդում է Bild-ը: Եվրամիության տվյալներով՝ 2024 թվականին Ռուսաստանի քաղաքացիներին տրամադրվել է մոտ 542 հազար կարճաժամկետ վիզա՝ ԵՄ երկրներ և Շենգենյան այլ երկրներ, ներառյալ՝ Շվեյցարիա մեկնելու համար: Դա մոտ 20%-ով ավելի է, քան 2023 թվականին, չնայած զգալիորեն պակաս է 2019 թվականի ցուցանիշներից:

Նման դինամիկան դժգոհություն է առաջացնում Արևելյան Եվրոպայի մի շարք երկրներում: Նրանք ընդգծում են, որ Ուկրաինայում շարունակվող պատերազմի համատեքստում անընդունելի է, որ Վլադիմիր Պուտինի ռեժիմին առնչվող հարուստ ռուսաստանցիները հանգստանան ԵՄ հանգստավայրերում, այն դեպքում, երբ Ուկրաինայում շարունակվում են ռազմական գործողությունները:

dpa-ի տվյալներով՝ Գերմանիայի կառավարությունը պնդում է վիզային սահմանափակումների վերաբերյալ ընդհանուր գծի շուրջ քննարկումներ անցկացնել Եվրամիության գործընկերների հետ։

news.am