Ուկրաինայում առաջարկել են դեզերտիրներին զրկել քաղաքացիությունից և ուղարկել Բելառուս

Ուկրաինայի Զինված ուժերի սպա Ալեքսանդր Մատյաշը հանդես է եկել առաջարկությամբ՝ դեզերտիրներին զրկել ուկրաինական քաղաքացիությունից և արտաքսել երկրից։ Նրա խոսքերով՝ եթե զինծառայողը լքել է ուսումնական կենտրոնը և հրաժարվել ծառայությունից, ապա նա փաստացի դադարել է լինել երկրի քաղաքացի։

«Մինուս քարտեր, մինուս քաղաքացիություն, թող գնա Բելառուս»,– ասել է Մատյաշը՝ շեշտելով, որ նման վերաբերմունքը պետք է դառնա համակարգային մոտեցում։ Նրա առաջարկը, ըստ Страна.ua-ի, կարող է գրավիչ թվալ շատերին, քանի որ այն մեղմացնում է գործող օրենքով նախատեսված քրեական պատասխանատվությունը։

Ավելի վաղ Մատյաշը հայտարարել էր, որ Ուկրաինայում տարածվող բացասական պատկերացումները հավաքագրողների մասին կապված են տեղեկատվական-հոգեբանական գործողությունների հետ և չեն արտացոլում ՏԿԿ աշխատակիցների իրական գործունեությունը։