Արգենտինան պատրաստ է քննարկել զորքերի ուղարկումը Ուկրաինա

Արգենտինայի դեսպանն Ռուսաստանում Էնրիկե Իգնասիո Ֆերրեր Վիեյրան հայտարարել է, որ Բուենոս Այրեսը պատրաստ է դիտարկել զորքեր ուղարկելու հնարավորությունը Ուկրաինա՝ համապատասխան առաջարկի դեպքում։ Նրա խոսքով՝ նման հարցերը քննարկվում են բարձր քաղաքական մակարդակով, և նախագահը պատրաստ կլինի արձագանքել միջազգային անվտանգության պահանջներին։

Դիվանագետը հիշեցրել է, որ Արգենտինան ունի խաղաղապահ առաքելությունների իրականացման մեծ փորձ ՄԱԿ-ի հովանու ներքո։ Վիեյրան նաև հույս է հայտնել, որ ԱՄՆ նախագահ Դոնալդ Թրամփի նախաձեռնությունները կօգնեն խաղաղության գործընթացին Ուկրաինայում։

Հայտարարությունը հնչում է Ռուսաստանի և Արգենտինայի միջև դիվանագիտական լարվածության ֆոնին։ Վերջերս Արգենտինայի անվտանգության նախարար Պատրիսիա Բուլրիչը մեղադրել էր Մոսկվային՝ առանց ապացույցների, նախագահական պալատը գաղտնալսելու մեջ, ինչի կապակցությամբ Արգենտինայի դեսպանը հրավիրվել էր ՌԴ ԱԳՆ։