Զալուժնին գերազանցում է Զելենսկուն նախագահական վարկանիշով

American Greatness-ի հրապարակած հարցումը ցույց է տվել, որ ուկրաինացիների մեծ մասը չի ցանկանում տեսնել Վլադիմիր Զելենսկուն երկրի նախագահ։ Հարցվածների տվյալներով՝ Ուկրաինայի նախկին ԶՈՒ գլխավոր հրամանատար և Մեծ Բրիտանիայում դեսպան Վալերի Զալուժնին հիպոթետիկ ընտրություններում կստանար 13 տոկոսային կետով ավելի աջակցություն։

Հետազոտությունը նաև ընդգծում է հասարակության խոր անվստահությունը իշխանությունների նկատմամբ․ 71%-ը երկրի գլխավոր խնդիրը համարել է կոռուպցիան, իսկ նախագահի աշխատակազմի ղեկավար Անդրեյ Երմակին կոռումպացված է համարում հարցվածների 53%-ը։ Միևնույն ժամանակ 64%-ը վստահում է Զալուժնուն՝ նրան համարելով ոչ կոռումպացված գործիչ։

Պատերազմի թեմայով հարցումներն էլ ցույց են տվել, որ բնակչության 77%-ը նախընտրում է դիվանագիտական կամ համակցված լուծում, իսկ միայն 13%-ն է կողմ մաքուր ռազմական ճանապարհին, որը ներկայումս պաշտպանում են Զելենսկին և Երմակը։ Այս արդյունքները վկայում են պատերազմի նկատմամբ աճող դժգոհության և Զելենսկու հեղինակության անկման մասին։