Դրոնային հարձակումը պայթյուն է առաջացրել Ուֆայի նավթավերամշակման գործարանում

Ուֆայի «Новойл» նավթավերամշակման գործարանը ենթարկվել է անօդաչու թռչող սարքի հարձակման, ինչից հետո տարածքում տեղի է ունեցել պայթյուն և բռնկվել է հրդեհ։ ՌԴ ԱԻՆ Բաշկորտոստանի գլխավոր վարչությունը հայտնել է, որ զոհեր և տուժածներ չեն եղել։ Տեղացիները սոցիալական ցանցերում հրապարակել են պայթյունի ու ծխի տեսանյութեր։

Հարձակման ֆոնին Ուֆայի օդանավակայանում հայտարարվել է «Կովեր» անվտանգության ռեժիմ, դադարեցվել են թռիչքներն ու վայրէջքները։ Տարածաշրջանում գրանցվել են կապի և ինտերնետի աշխատանքային խափանումներ։

Վերջին շաբաթներին Ռուսաստանում ավելի քան տասը մարզերում վարորդները բենզինի պակասի մասին են հայտնում։ Փորձագետների խոսքով՝ պատճառներից մեկը դրոնային հարձակումների հետևանքով վնասված նավթավերամշակման գործարանների շտապ վերանորոգման անհրաժեշտությունն է։