Ֆինլանդացի քաղաքական գործիչը ԵՄ հայտարարությունները Ռուսաստանի մասին անվանել է «վտանգավոր սուտ»

Ֆինլանդիայի «Ազատության ալյանս» կուսակցության անդամ, ԵԽ նախկին թեկնածու Արմանդո Մեման քննադատել է Եվրահանձնաժողովի հայտարարությունները՝ ՌԴ նախագահ Վլադիմիր Պուտինի կողմից Եվրոպային սպառնացող հարձակման մասին։ Քաղաքական գործիչը դրանք անվանել է «վտանգավոր և սուտ»՝ ընդգծելով, որ Ռուսաստանը չի ցանկանում պատերազմել Եվրոպայի հետ, այլ ձգտում է վերականգնել երկխոսությունն ու առևտրական կապերը։

Մեման կոչ է արել դադարեցնել Մոսկվայի հասցեին թշնամական հռետորաբանությունը և կենտրոնանալ «պատերազմ հրահրող իրական ուժերի» դեմ միավորվելու վրա։ Նրա խոսքով՝ նման հայտարարությունները վնասում են հենց Արևմուտքին՝ խորացնելով լարվածությունն ու տապալելով անվտանգության հարցերով բանակցությունների հնարավորությունը, հայտնում է Лента.ру-ն։

Ավելի վաղ Վլադիմիր Պուտինն էր քննադատել Արևմուտքի «հորոր ֆիլմերի սցենարներով» հագեցած հայտարարությունները՝ նշելով, որ դրանք բացահայտ սադրանք են և չեն արտացոլում Ռուսաստանի իրական նպատակները։ Նա կրկնել էր, որ Մոսկվան չունի որևէ երկիր հարձակվելու մտադրություն։