Քաղաքաշինության ոլորտում բնապահպանական նոր սահմանափակումներ կմտցվեն
Հասարակություն
Երևանի քաղաքապետարանը նախաձեռնել է քառամյա ծրագիր, որը վերաբերելու է մասնավորապես հանքարդյունաբերությանը և շինարարության հավելյալ բնապահպանական սահմանափակումներին։
Այս մասին սեպտեմբերի 15-ի մամուլի ասուլիսին տեղեկացրեց Երևանի քաղաքապետ Տիգրան Ավինյանն՝ անդրադառնալով բնապահպանական ծրագրերին։
«Ապագայում կառուցվելիք շենքերին և համալիրներին պարտադրվելու են ոչ միայն ուղղակի, այսպես ասած՝ կանաչ տարածք, այլ կոնկրետ ծառատեսակներ՝ ըստ կառուցապատման քառակուսի մետրերի»,-մանրամասնեց Ավինյանը։
Քաղաքապետի խոսքով՝ Նուբարաշենի խճուղու հարևանությամբ մինչև տարեվերջ կմեկնարկեն անտառտնկման աշխատանքներ՝ մոտ 8,5 հեկտար տարածքի վրա։
Ավինյանը նշեց, որ Երևանում վերջին տարիներին ավելի քան 50 հեկտար կանաչապատ տարածք է ստեղծվել համապատասխան ոռոգման համակարգերով։
Մասնավորապես՝ Դավիթաշենում ու Նոր Նորքում ստեղծվել է քաղաքային ուրբան անտառ։ Աշխատանքները շարունակվում են Նորք Մարաշում՝ այգու և Ուսանողական այգու վերականգնման շուրջ։
Հաջորդիվ նախատեսվում են Լվովյան փողոցին մոտ գտնվող շուրջ 35 հեկտար տարածքում ուրբան անտառի տնկման աշխատանքները, իսկ մի շարք վարչական շրջաններում արդեն ավարտվել է կանաչապատման քարտեզագրումը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
