Թրամփի հատուկ բանագնացը վաճառել է իր ընկերության բաժնեմասը

ԱՄՆ նախագահ Դոնալդ Թրամփի հատուկ բանագնաց Սթիվ Ուիթկոֆը վաճառել է անշարժ գույքի կառավարման ընկերությունում իր բաժնեմասը 120 միլիոն դոլարով՝ շահերի հնարավոր բախումը կանխելու համար, հաղորդում է Bloomberg-ը։

Գործակալությունը նշում է, որ The Witkoff Group LLC-ի պորտֆելը ներառում է շքեղ անշարժ գույք Լոս Անջելեսում, Մայամի Բիչում, Ուեսթ Պալմ Բիչում և Նյու Յորքում։ Ընկերությունը Ուիթկոֆի վեց ակտիվներից մեկն էր, և դրա արժեքը գերազանցում էր 50 միլիոն դոլարը։ Ֆինանսական հայտարարագրի համաձայն՝ պաշտոնյան ազատվել է The Witkoff Group LLC-ից «ակտիվների պլանավորված վաճառքի շրջանակներում»։

Փաստաթղթում նշվում է, որ Ուիթկոֆի ակտիվների ընդհանուր թիվը գերազանցում է 350 միլիոն դոլարը։