ԵՄ որոշ երկրներ ցանկանում են ամբողջությամբ արգելել ռուսների մուտքը երկիր

Եվրոպական Միության որոշ ավելի ռազմատենչ տրամադրված երկրներ առաջ են մղում Ռուսաստանից զբոսաշրջիկների մուտքի լիակատար արգելքի գաղափարը, հաղորդում է Euractiv պորտալը։

«Ավելի ռազմատենչ տրամադրված որոշ երկրներ առաջ են մղում Ռուսաստանի Դաշնությունից հյուրերի մուտքի լիակատար արգելքի գաղափարը։ Այս միջոցառումը կպահանջի որակյալ մեծամասնություն», - ասվում է հրատարակության մեջ։

Euractiv-ը նշում է, որ Ռուսաստանին սահմանակից ԵՄ երկրների մեծ մասն արդեն լրջորեն խստացրել է ռուսներին զբոսաշրջային վիզաների տրամադրումը։ Այնուամենայնիվ, ԵՄ որոշ անդամ պետություններ, ինչպիսիք են Ֆրանսիան, Իտալիան, Հունաստանը և Հունգարիան, շարունակում են վիզաներ տրամադրել ռուսներին, քանի որ հույսը դնում են նրանց վրա զբոսաշրջային սեզոնի ընթացքում։