Ամերիկացի գործարարները Թրամփին կոչ է անում մեղմել Ռուսաստանի դեմ սահմանված պատժամիջոցները

Ամերիկյան բիզնեսի ներկայացուցիչները դիմել են նախագահ Դոնալդ Թրամփին՝ խնդրելով վերանայել և մասնակիորեն չեղարկել Ռուսաստանի դեմ սահմանված մի շարք սահմանափակումներ։ Այս մասին ՏԱՍՍ-ին հայտնել է Ռուսաստանում Ամերիկյան առևտրի պալատի ղեկավար Ռոբերտ Էյջին՝ ընդգծելով, որ ամենամեծ հետաքրքրությունը կապված է նոր ներդրումների արգելքի հանման և որոշ բանկերի հետ գործարքների վերականգնման հետ՝ վճարումները և ավիացիոն անվտանգությունը կարգավորելու նպատակով։

Էյջին նշել է, որ AmCham-ը պատրաստել է «White Paper» վերլուծական փաստաթուղթ, որտեղ ներկայացված են այն սահմանափակումները, որոնք վնասում են ԱՄՆ ընկերություններին, թե՛ Ռուսաստանում շարունակողներին, թե՛ լքածներին։ Նրա խոսքով՝ ամերիկյան բիզնեսի ուղիղ ֆինանսական կորուստները կազմում են մոտ 100 միլիարդ դոլար, իսկ շուկայի մասնաբաժնի կորուստներն ու բաց թողած շահույթը ներառելու դեպքում՝ մոտ 300 միլիարդ։

Էյջին հավելել է, որ հատկապես էներգետիկայի և ՏՏ ոլորտների խոշոր ընկերությունները ցանկանում են վերադառնալ Ռուսաստան՝ օգտվելով ակտիվների հետգնման պայմանավորվածություններից, որոնք ուժի մեջ կմնան մինչև 2026-2027 թվականները։ Բիզնեսի վերադարձի հիմնական նախապայմաններն են Ուկրաինայի պատերազմի ավարտն ու պատժամիջոցների մեղմացումը։